கீழடி அகழாய்வில் நத்தை ஓடுகள்

திருப்புவனம்; கீழடி, ஆறாம் கட்ட அகழாய்வில், அகரம் கிராமத்தில், அதிகளவு நத்தை ஓடுகள் கண்டெடுக்கப்படுகின்றன.
இதனால், பண்டைய தமிழர்களுக்கு, நத்தைகள் மருந்தாக பயன்பட்டதா என, ஆய்வு செய்யப்படுகிறது.
கீழடி, ஆறாம் கட்ட அகழாய்வு, அகரத்தில் நடக்கிறது. அகழாய்வில் நன்னீர் நத்தை ஓடுகள் அதிகமாக கிடைக்கின்றன.
பண்டைய தமிழர்கள் இயற்கை முறையில் உடல் உபாதைகளுக்கு தீர்வு கண்டனர்.
இதனால், நத்தைகளை மருந்தாகவோ, உணவுக்காகவோ முன்னோர்கள் பயன்படுத்தி இருக்கலாம் என, கருதப்படுகிறது.
கீழடியில் வேளாண்மை, பாசனம், கால்நடை வளர்ப்பிற்கான ஆதாரங்களும், கொந்தகையை இடுகாடாக பயன்படுத்தியதற்கான ஆதாரங்களும் கிடைத்தது குறிப்பிடத்தக்கது.