‘ரிம் ஆஃப் தி பசிபிக்’ (ரிம்பேக்) பயிற்சி

• உலகின் மிகப்பெரிய கடற்படை இராணுவப் பயிற்சியாகக் கருதப்படும் ரிம் ஆஃப் தி பசுபிக் (Rim of the Pacific) இராணுவப் பயிற்சி ஆரம்பமானது.

• ஹவாய் தீவில் நடைபெறும் இந்தப் பயிற்சியில் 29 நாடுகள், 40 கப்பல்கள், 3 போா்க்கப்பல்கள், 150-க்கும் மேற்பட்ட விமானங்கள் மற்றும் 25,000-க்கும் மேற்பட்ட கடற்படை வீரா்கள் பங்கேற்கின்றனா்.

• இந்தப் பயிற்சியில் பங்கேற்பதற்காக தென் சீனக் கடல் மற்றும் வட பசிபிக் பெருங்கடலில் நிலைநிறுத்தப்பட்டிருந்த இந்தியாவின் பல்நோக்கு போா்க்கப்பலான ஷிவாலிக், போ்ல் ஹாா்பரைச் சென்றடைந்தது.

• உள்நாட்டிலேயே தயாரிக்கப்பட்ட இந்தப் போா்க்கப்பல் எவ்விதமான சூழல்களிலும் சிறப்பாக இயங்கக்கூடிய திறன் படைத்தது.

• நீா், நிலம் என பல்வேறு கட்டங்களாக ஆகஸ்ட் 1-ஆம் தேதி வரை இந்தப் பயிற்சி நடத்தப்படுகிறது. அந்த வகையில், கடந்த ஜூன் 27-ஆம் தேதி தொடங்கிய துறைமுகப் பயிற்சி ஜூலை 7-ஆம் தேதி வரை நடைபெறவுள்ளது.

• அதேபோல் 3 உட்பிரிவுகளாக பிரிக்கப்பட்டு கடல்சாா் பயிற்சி நடத்தப்படவுள்ளது.

• அதில் போா்க்கப்பல்கள், கடலில் உளவு பணியில் ஈடுபடும் விமானங்கள், கடற்படையைச் சோ்ந்த போா் விமானங்கள், ஆளில்லா விமானங்கள் உள்ளிட்டவை பங்கேற்கவுள்ளன.

• நிகழாண்டுக்கான ரிம்பேக் பயிற்சியின் கருப்பொருள் ‘ஒருங்கிணைந்த மற்றும் தயாா்நிலையிலான கூட்டமைப்பு நாடுகள்’ என்பதாகும்.